ფაქტებზე დაფუძნებული პროფესიული დისკუსია

კონფერენციის მიზანი

ჩვენი მიზანია არა ემოციური პროტესტი, არამედ ფაქტებზე დაფუძნებული ანალიზი, პროფესიული მსჯელობა და ერთიანი სამუშაო ჯგუფის შექმნა, რომელიც დაიცავს ქვეყნის სტრატეგიულ ინტერესებს.

რატომ ვიკრიბებით?

საქართველოში წარდგენილი „კრწანისი-გონიოს“ მასშტაბური ურბანული პროექტი, მიუხედავად მისი დეკლარირებული მიზნებისა, შეიცავს კრიტიკულ რისკებს, რომლებიც საზოგადოებრივი განხილვის მიღმა რჩება.

მთავარი გამოწვევები:

• გაუმჭვირვალობა: გადაწყვეტილებები ქვეყნის სტრატეგიულ რესურსებზე (მიწა, საგადასახადო რეჟიმი) მიიღება ფართო საზოგადოების ჩართულობის გარეშე.

• ეკოლოგიური საფრთხე: პროექტი ეხება საერთაშორისო კონვენციებით დაცულ გონიოს ზურმუხტის ზონას და თბილისის ეკოლოგიური ბალანსისთვის კრიტიკულ კრწანისის ტყეპარკს.

• ეკონომიკური რისკი: პროექტის ფინანსური და სამართლებრივი პასუხისმგებლობა გადადის მოქალაქეებზე, მაშინ როცა სარგებელი მცირე ჯგუფებისთვის არის გათვლილი.

• ინსტიტუციური კრიზისი: იგნორირებულია პროფესიული წრეების აზრი და არსებობს ინტერესთა კონფლიქტისა და კორუფციის მაღალი ალბათობა.

ჩვენი პოზიციაა - დუმილი ამ ვითარებაში დანაშაულის თანაზიარობაა. ქვეყნის მომავალი არ უნდა წყდებოდეს დახურულ კარს მიღმა!