გონიო-კრწანისის დაცვისადმი მიძღვნილი კონფერენციის რეზოლუცია

თბილისი, 7 თებერვალი, 2026

ჩვენ ქვემორე ხელის მომწერნი, სხვადასხვა პროფესიის წარმომადგენელი საქართველოს მოქალაქეები, მიზნად ვისახავთ რა, საქართველოს კონსტიტუციის დანაწესი, რომლის მიხედვით ძალაუფლების წყარო არის ხალხი, საქმედ  იქცეს,  შევიკრიბეთ, რათა ვიმსჯელოთ კრწანისში და გონიოში საქართველოს კუთვნილი მიწების გასხვისების შესახებ. ვიმსჯელეთ ამ პროექტის შესაძლო რისკებზე საქართველოსა და მისი მოქალაქეებისთვის, ასევე საერთაშორისო საზოგადოებისთვის. 

დავადგინეთ, რომ ეს პროექტი, შეიცავს შემდეგი სახის მნიშვნელოვან რისკებს და შესაძლო ზიანს:

1. სახელმწიფო ქონების განკარგვის და მთლიანად პროექტის გაუმჭვირვალობა, მათ შორის საზოგადოებრივად მნიშვნელოვანი ინფორმაციისთვის კომერციული საიდუმლოს სტატუსის მინიჭება და მისი ამ საბაბით გაუმჟღავნებლობა;

2. სახელმწიფო ქონების ეკონომიკურად დაუსაბუთებლად განკარგვა;

3. კრწანისის ჭალის ტყეების და ტყეპარკის ეკოსისტემების,გონიოში ფრინველთა გადაფრენის და ბუდობის ადგილზე, აგრეთვე, ზურმუხტის ქსელის არეალში, მშენებლობის წარმოების რისკების შეუსწავლელობა და დაუსაბუთებლობა;

4. ტყეპარკში საბჭოთა რეჟიმის რეპრესიების მსხვერპლთა დასაფლავების ადგილების შეუსწავლელობა და დაუცველობა.

5. პოტენციურ მიგრანტთა ნაკადების საზოგადოებაზე ზემოქმედების შეუსწავლელობა და დაუსაბუთებლობა;

6. შესაძლო კორუფციული ფულადი ნაკადების შემოდინება და გათეთრება.

ჩვენს თანამოქალაქეებს ვთხოვთ ყველა შესაძლო წყაროდან ითხოვონ ხელშეწყობა ამ რეზოლუციის თითოეულ ასპექტზე.

საქართველოს დე-ფაქტო მთავრობისგან მოვითხოვთ პროექტებთან დაკავშირებულ სრულ დოკუმენტაციას, კანონმდებლობით გათვალისწინებული მოთხოვნების დაცვას, მათ შორის გარემოზე ზემოქმედების შეფასების ჩათვლით, ისევე როგორც ზემოაღნიშნული რისკებისა და შესაძლო ზიანის შესახებ ამომწურავ და მკაფიო წერილობით განმარტებას ფართო საზოგადოებისთვის.

ამ პროექტთან დაკავშირებულ ყველა იურიდიულ და ფიზიკურ პირს ვთხოვთ შეწყვიტოს მასზე მუშაობა და შეაჩეროს პროექტის მიმდინარეობა ვიდრე არ მოხდება საქართველოს მოქალაქეების ობიექტური ინფორმირება და არ შედგება ფართო საზოგადოებრივი კონსენსუსი.

ვქმნით მოხალისეობრივი და პროფესიონალური პრინციპებით დაკომპლექტებულ სამუშაო ჯგუფს, დანართის შესაბამისად და ვიზრუნებთ მისთვის მხარდაჭერის აღმოსაჩენად. ჯგუფის ამოცანაა საქართველოს მოსახლეობის და საერთაშორისო საზოგადოების ჯეროვანი ინფორმირება ამ პროექტის და მისი რისკების შესახებ. აგრეთვე, შესაბამისი სამართლებრივი პროცედურების ამოქმედება.

რა კეთდება კონფერენციის შემდეგ?

სამუშაო ჯგუფი აგრძელებს მუშაობას კონფერენციის გადაწყვეტილებების განსახორციელებლად. რეზოლუცია და რეაგირების მოწოდება დაეგზავნა ათობით სახელმწიფო, კომერციულ და არაკომერციულ ორგანიზაციას საქართველოში და საზღვარგარეთ. რეგულარულად ხორციელდება საჯარო და კერძო კომუნიკაცია საზოგადოების და დაინტერესებული მხარეების ცნობადობის ასამაღლებლად და სამოქმედოდ მობილიზებისთვის.

შემდგომი მოქმედების დღის წესრიგშია მასობრივი კომუნიკაციის გაზრდა,  ახალი საჯარო ღონისძიებების დაგეგმვა და შემდგომი კერძო კომუნიკაცია დაინტერესებულ მხარეებთან, მათ შორის მსხვილ კომპანიებთან, გარემოსდაცვით და საზოგადოებრივ ორგანიზაციებთან და ცნობილ საერთაშორისო მედია ორგანიზაციებთან. 

მოხარულნი ვიქნებით მივიღოთ თქვენი რჩევები და წინადადებები. გთხოვთ უყოყმანოდ მოგვმართეთ ელფოსტა: confgonio@gmail.com  

შემოწირულობა საორგანიზაციო ხარჯებისთვის

კონფერენციის საორგანიზაციო ხარჯები უმეტესწილად დაფინანსდა სამუშაო ჯგუფის და ასევე, მონაწილეთა შემოწირულობებით. სულ ხარჯებმა შეადგინა 6хzy ლარი. შემოწირულობა მიღებულ იქნა ___ მოქალაქისგან ___ ოდენობით). 

სამუშაო ჯგუფი აგრძელებს მუშაობას კონფერენციის რეზოლუციის რეალიზებისთვის. ფართო საზოგადოებრივი ჩართულობა და პასუხისმგებლობის გაზიარება მნიშვნელოვანია მყარი ერთობის ჩამოსაყალიბებლად. ვინაიდან სამომავლო საქმიანობაც საჭიროებს ფინანსურ რესურსს, მადლიერი ვიქნებით თქვენი მხარდაჭერისთვის.

რეკომენდარებული შემოწირულობა: 5-100 ლარის ფარგლებში. 

რეკვიზიტები: სს „საქართველოს ბანკი“, ააიპ „გიორგი მაზნიაშვილის ქართული სოფელი“, ანგარიში: ბანკის კოდი - BAGAGE22 ანგარიშის ნომერი - GE38BG0000000611533037

რატომ შევიკრიბეთ
კონფერენციაზე?

საქართველოში წარდგენილი „კრწანისი-გონიოს“ მასშტაბური ურბანული პროექტი, მიუხედავად მისი დეკლარირებული მიზნებისა, შეიცავს მკაფიოდ გამოხატულ საფრთხეებს და კრიტიკულ რისკებს. საზოგადოებრივი პროტესტის მიუხედავად, ეს არსებითი პრობლემები, უყურადღებოდ და ჯეროვანი რეაგირების გარეშე რჩება ქართული ოცნების ხელისუფლების მიერ.

მთავარი გამოწვევები:

• გაუმჭვირვალობა: გადაწყვეტილებები ქვეყნის სტრატეგიულ რესურსებზე (მიწა, საგადასახადო რეჟიმი) მიიღება ფართო საზოგადოების ჩართულობის გარეშე.

• ეკოლოგიური საფრთხე: პროექტი ეხება საერთაშორისო კონვენციებით დაცულ გონიოს ზურმუხტის ზონას და თბილისის ეკოლოგიური ბალანსისთვის კრიტიკულ კრწანისის ტყეპარკს.

• ეკონომიკური რისკი: პროექტის ფინანსური და სამართლებრივი პასუხისმგებლობა გადადის მოქალაქეებზე, მაშინ როცა სარგებელი მცირე ჯგუფებისთვის არის გათვლილი.

• ინსტიტუციური კრიზისი: იგნორირებულია პროფესიული წრეების აზრი და არსებობს ინტერესთა კონფლიქტისა და კორუფციის მაღალი ალბათობა.

ჩვენი პოზიციაა: ამ ვითარებაში დუმილი დანაშაულის თანაზიარობაა. 
ქვეყნის მომავალი არ უნდა წყდებოდეს დახურულ კარს მიღმა!